澳門之旅-1

早上八時多起來, 洗完面換了衫就出發,
很快就到上環, 與朋友在KFC吃早餐,
現在已經沒有什麼後補飛了,
所以要等到11時30分才可入碼頭,
逛了一會百佳, 很快就夠鐘了,
上船, 一小時就到氹仔了
坐shuttle去金沙城中心,
喜來登已經可以check in拿房了,
不過排很長很長龍成百人, 不過沒辦法啦,
大約排了20分鐘吧, 便拿到鎖匙上房了,
櫃檯既人係講普通話, 大堂所有字都是簡體,
實在有點兒奇怪, 澳門實在回歸得太盡了…
房間是大的, 是不錯的, 放下行李,
便行去官也街, 行好鬼耐呀,
威尼斯人又冇指示牌, 實在唔知想點= =
在官也街吃了個豬扒包便坐巴士去亞馬喇前地,
轉車去二龍喉公園, 在亞馬喇前地等的時候,
見到那些去關閘的巴士, 實在恐怖,
塞滿人, 然後仲有一大班人想塞上去= =|||
坐纜車上山頂, 然後在燈塔影了一陣相,
便行路落山, 出了公園,
一直行行行, 行到三盞燈買龍鬚糖,
然後再行去食乳豬海鮮煲,
呢間分店搵了很久呀, openrice的地址是錯的,
搵左好耐先搵到, 6時多便吃飯了,
其實幾抵食, $300一個大煲, 3個人已經超飽,
叫左2支啤酒同汽水先係$360埋單
食飽飽, 坐巴士出新馬路,
現在做緊竎光影節, 新馬路有燈飾睇,
真係幾靚既, 靚過海港城XD
去了大三巴看了一會燈便行到街頭坐shuttle返新濠天地,
然後行返去隔離金沙城訓覺
今晚亦都係無線既頒獎禮, 很高興黃秋生拎視帝XD