開戶口

今日要返學,但朝早要去銀行,
未夠鐘就等恆生開門入錢,
然後就去左永隆開戶口,激死人啦,
搞左成個鐘先整好,之後去上堂,
上完堂就回家了,去左大角咀食野,
食完野行左陣奧海城回家,好眼訓,
訓左陣已經差不多食飯了

食漢堡包

今日都仲係幾多野整,EO好似有海量既野未做完咁,
上午出左CO結果,有同事升職了,
唔通要升職真係要無恥D先得既?
中午去左食漢堡包,下午終於可以休息下,
下班回家,有點眼訓,早D訓好了

繼續好多野做

今日繼續好多野做,不過都叫做得7788的,
雖然又間中出現更多野做啦,聽日應該好D的了
中午去左飲茶,距離8K簽帳又行前左一步啦
EO成日都係度鬧蠢野,好似真係搞左好耐都未搞完咁,
都唔知佢兩個係度搞乜

好多野做呀

今日要返工,好多野做呀,
做左差不多成日,派左少少手信啦,
之後就繼續做野,又吹左陣水咁啦,
實在太多野等住做,所以都冇辦法,
下班回家,執好D相就放上FB去了,
10點幾就訓覺了

休息下

今日不用返工,不過8點幾就起身了,
食完早餐就繼續執行李,執返D手信出黎,
中午去左飲茶,之後行左一圈就回家了,
真係好累呀,所以訓左陣,
訓完又食晚飯了,之後就食車厘子,
之後又訓覺了,聽日要返工了

墨爾本之旅-2

8點左右起身,之後去左間CAFE食早餐,
個sandwich大到太誇張啦,超巨型,
食完之後去左火車站影下相,
又去左federation sq睇一陣,
然後去左graffiti街睇睇,
之後就行左去皇家拱廊睇睇,
然後行左出大街,今日係boxing day,
好似做緊大減價呢,所以就去左商場shopping啦,
都唔係買左好多野,便去左勇記食牛河,
食飽就去左超市買野,買完野就去左食牛扒做晚餐,
中間都返左2次酒店,因為d野都幾重,而且電車係唔洗錢的~
食完飯就返左酒店了,聽日要好早起身呢

墨爾本之旅-1

好早起身呀,6點幾就起身,
7點3左右去坐A21,超眼訓呀,
大約8點去到check in,之後便出境去了,
係40號左右的food court食了碗雲吞麵,正呀,
之後就上機了,今次第一次坐PE,
都唔錯呀,一上機就有香檳飲,
雖然係假期,但竟然都冇竎人坐,
得一半人左右,好好呀,可以四圍行,
不過9個鐘真係好耐呀,又訓又睇電影,
睇到眼都盲都未到呀,又訓唔著,真係好辛苦
終於9小時後到達了,明明好少人都要等好耐行李,
去坐巴士,去到酒店已經12點幾啦,真係辛苦啦